Que facemos?
Os Jalochos crea espectáculos e obradoiros para público infantil e familiar. A música, as historias, o movemento e o xogo están presentes de maneira diferente en cada actividade, sempre cunha participación activa das crianzas e das familias.
Espectáculos
Espectáculo
EspectáculoA Landra viaxeira e o amigo Lambón
Unha viaxe musical por Galicia na procura da festa.
Música, narración e participación nunha historia que pon en valor a lingua, a natureza e a cultura galega.
Espectáculo
Canta coas mans
Un espectáculo para descubrir que tamén podemos cantar coas mans.
Cancións, xogos e dinámicas de movemento para achegar e normalizar a lingua de signos desde a infancia.
Dous formatos para cada espazo
Os espectáculos de Os Jalochos están interpretados sempre por Sabela e Suso e poden contratarse en dous formatos.
Formato acústico
Narración e música sen equipo de son, cunha montaxe reducida e unha relación directa co público. Pensado para bibliotecas, centros educativos e espazos pequenos.
Formato concerto
Unha versión con equipo de son e unha maior potencia musical e escénica. Pensada para auditorios, festivais, prazas e programacións culturais de maior formato.
As necesidades técnicas e as condicións de contratación varían segundo o espectáculo, o formato e o espazo.
Obradoiros
Obradoiro
ObradoiroVoaxas. Obradoiro de emocións
Música, poesía e creación plástica para recoñecer, expresar e compartir as emocións.
Unha actividade práctica na que as crianzas transforman o que senten en palabras, movementos, cores e formas.
Obradoiro
Mulleres, ritmo e tradición
Un achegamento á música tradicional galega a través da voz, do movemento e da percusión corporal.
Sabela Olivares guía un obradoiro para descubrir ritmos e melodías e poñer en valor o papel das mulleres na transmisión do patrimonio musical galego.
Queres levar Os Jalochos á túa programación?
Consulta os espectáculos, os obradoiros e os formatos dispoñibles ou contacta con Os Jalochos para valorar a opción máis adecuada para o teu espazo.