Obradoiro
Mulleres, ritmo e tradición
Un obradoiro para descubrir a música tradicional coa voz e co corpo
Sinopse
Sabela Olivares guía un achegamento práctico á música tradicional galega a través do canto, do movemento e da percusión corporal.
As persoas participantes exploran ritmos e melodías empregando o corpo como primeiro instrumento. Cantan, marcan o pulso, coordinan movementos e crean música en grupo.
O obradoiro dá tamén visibilidade ao papel das mulleres na conservación e na transmisión do patrimonio musical galego.
Como se desenvolve
A actividade parte da voz, do ritmo e do movemento para descubrir a música tradicional desde a práctica.
Mediante xogos e dinámicas colectivas, as persoas participantes experimentan coa percusión corporal, aprenden ritmos e melodías e interpretan música en grupo.
Non é necesario contar con coñecementos musicais previos. O corpo, a voz e a escoita son as principais ferramentas do obradoiro.
As mulleres na música tradicional
Durante xeracións, as mulleres tiveron un papel fundamental na conservación e na transmisión oral das cancións, dos ritmos e dos saberes vinculados á música tradicional galega.
O obradoiro achega este legado ás crianzas e ás familias mediante a práctica, recoñecendo o traballo das mulleres que mantiveron viva esta parte da nosa cultura.
Que se traballa
- Ritmos e melodías da tradición galega
- Percusión corporal
- Expresión corporal e vocal
- Memoria, coordinación e atención
- Creación e interpretación en grupo
- Papel das mulleres na música tradicional
Ficha técnica
Imparte
Sabela Olivares
Público
Infantil e familiar e grupos escolares de Educación Primaria.
Duración
Aproximadamente 50 minutos.
Espazos
Adecuado para centros educativos, bibliotecas, asociacións, espazos culturais e programacións familiares.
Queres organizar Mulleres, ritmo e tradición no teu centro ou espazo?
Contacta con Os Jalochos para consultar dispoñibilidade, condicións e necesidades da actividade.
